Generelt: Forvaltning av rypestamma skjer på kunnskap gjennom taksering av rypebestanden. Takseringsresultatet vil vera avgjerande for om det blir jakt på rype. Produksjonen må være over 2,5 kylling per høne for at vi skal ha et jaktbart overskott. Fjellstyret vil også vurdere antall ryper som er observert per km². Taksering skjer medio august og fjellstyret gjer vedtak om jakt i månadsskifte aug/sept.

Utanbygdsbuande: Jakt på rype og orrfugl frå 15. september skjer etter søknad på www.inatur.no med søknadsfrist i april (nærare dato kjem seinare) . Vi har loddtrekning på alle søknader som er levert innan søknadsfristen. Søkjar får svar på e-post om tildeling i mai. Jaktkvote blir bestemt i månadsskifte aug/sept. Ved svært dårleg rypestamme kan jaktkort bli avgrensa til å gjelde orrfugljakt.

Dersom takseringa viser god fuglebestand i august, vil vi kunne tildela fleire kort. Vi brukar den opphavlege trekningslista og tildeler etter denne så langt dette let seg gjere tidsmessig før jaktstart. Er det etter dette framleis att kort etter ny tildelingsrunde, vil dette kunne leggjast ut på inatur.no som «første mann til mølla».

Harejakt frå 5. oktober blir lagt ut til salg på www.inatur.no.
Orrfuglkort og treningskort for fuglehund frå 14.10 blir også lagt ut på inatur.no.
Korta blir tilgjengeleg ca. 1 veke før oppstart. All jakt stoppar 14. desember.

Innanbygdsbuande: Jaktkort kan kjøpast på butikkane Coop Slidre, YX Røn og Joker Vaset. Jaktkortet er digitalt og jeger må ha e-post for å kjøpe kort.
Innanbygdsbuande er dei som er registrert i folkeregisteret som fast busett i Vestre Slidre kommune det siste året.